Zer da The ten million Project?

 

The Ten million project, lehiaketa bat baina gehiago da…

• Gipuzkoarentzat egitasmo berritzailerik hoberena aukeratu eta berau bultzatzeko sortutako ekimena.

 

• Gipuzkoar gizartean, elkarlanean, anbizio eta konplexutasun handiko proiektuak aurrera eramanez ekintzailetasuna esperimentatzeko dagoen borondatearen termometroa da.

 

• Gipuzkoako gizarteari, nolabaiteko konplexutasun maila duten proiektu berritzaileak aurrera eraman ahal izateko eskaini nahi zaion aukera/espazioa da, konplexutasun maila horrek (bai proiektua abiarazteko unean, bai inplementatzerakoan behar duen trataera bereziagatik) eskatzen dituen konpetentzi eta laguntza bereziak eskaintzen dituelarik.

 

• Gizartearen esparru guztietan pentsamolde berritzailea bultzatzeko bide bat.

 

• Gipuzkoa hobe bat eraikitzen lagun diezaguketen ideiak, 10 milioi euroko balioa duten ideiak azaleratu eta aurrera eramateko aukera ezin hobe bat.

 

Zer bilatzen du?

Proiektu berritzaile bat baina zerbait gehiago

Ekimen honek bilatzen duen proiektua, Gipuzkoa berrikuntzaren planoan kokatuko duen proiektua da, zeinak berarekin erlazioa (zuzena nahiz zeharkakoa) duten bestelako proiektuak eta ekintzak bultzatuko dituen eta ondoren aurkezten diren ezaugarriak dituen.

Berritzailea

Proiektuak berritzailea behar du izan eta gizarteari balioa eskaintzeaz gain, ikusmira berri bat eskaini behar dio, ate berri bat ireki.

Sinesgarria

Proiektuak, hipotesi sendoetan oinarritutako negozio plan sinesgarri bat izan behar du atzean.

Eraginkorra

Gipuzkoako gizartearen kohesioa, ongizatea eta oreka (jasangarritasuna) areagotzen lagundu behar du.

Bultzatzailea

Lanpostu berrien, aberastasunaren eta ezagutzaren sorrera bultzatu behar du Gipuzkoako lurraldean. Era berean, bere inguruan, zeharkako eta azpikontratatutako jarduerak sortu beharko ditu

Bateratzailea

Proiektuan eragile desberdinen (enpresak, ikerketa zentruak, unibertsitateak, finantza entitateak, etab.) eta hainbat kolektiboren partehartzea bultzatu eta baloratuko da

Jasangarria

Jasangarria den proiektu bat izan behar da, bai bere sostengarritasunari dagokionean eta baita ingurugiroarekiko errespetuari dagokionean.

Exportagarria

Beste inguru geografiko batzuetan aplikatu daitekeen eta gipuzkoako ekonomiaren gaitasunak indartuko dituen proiektu bat izan behar da

Zer eskaintzen du?

40.000 €ko diru saria eta… Gipuzkoa Berritzenek saritua suertatu den proiektua bultzatzeko bere esku dagoena egiteko konpromisoa hartzen du beregain. Era berean, saria ematen den egunetik urte beteko epearen barruan proiektuaren exekuzioan laguntza eskainiko du, hala nola, bazkide eta bestelako agenteen babesa lortzeko edo negozio plana egiteko adituen laguntza eskuratzeko. Aurrez aipaturiko urtebeteko epea luza daiteke baldin eta Gipuzkoa Berritzenek hala irizten badu.